Рамосни четлатган ҳакам «Барселона» – «Реал» ўйинини бошқаради

Фото: Getty Images

Алехандро Эрнандес Испания чемпионатининг 36-туридан ўрин олган «Барселона» – «Реал» ўйинида ишлайди, деб ёзади Marca.

35 ёшли рефери учун бу иккинчи класикодир. Ўтган йилнинг апрель ойида у «Сантьяго Бернабеу»даги ўйинни бошқарган ва унда каталонияликлар 3:2 ҳисобида ғалаба қозонган эди.

Эрнандес баҳснинг 77-дақиқасида «Реал» сардори Серхио Рамосни майдондан четлатган, Лионель Месси эса сўнгги дақиқада ғалаба голини урган эди.

Навбатдаги класико 6 май куни «Камп Ноу»да ўтказилади.