Тошкент шаҳрининг Шайхонтоҳур туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Маълум бўлишича, 27 апрель куни ИИБга тушган ҳужжатларга кўра, 2017 йил март ойида Фарғона вилояти Олтиариқ туманида яшовчи, И.Т. “Эски Жўва” деҳқон бозорида Б.Р.ни алдаш йўли билан ишончига кириб, унинг “Кобальт” русумли автомашинасини бир йил муддатга бошқариб юриш учун олиб, бир ой ичида унга бошқа “Кобальт” русумли автомашинасини олиб беришини ваъда қилган.
Ушбу шахс автомашинани 8.500 АҚШ долларига сотиб юбориб, берган ваъдасини бажармай, пулларни ўз эҳтиёжлари учун ишлатиб юборганлиги маълум бўлган. И.Т. ушланган.
