Кенияда сув тошқинлари оқибатида қурбонлар бўлганлар сони айтилди

Халқаро Қизил Хоч қўмитасининг Кениядаги бўлинмаси мамлакатда сўнгги бир ой ичида юз берган сув тошқинлари оқибатида қанча одам ҳалок бўлганини маълум қилди, деб хабар беряпти CNN.

Ташкилот маълумотларига кўра, табиий офат натижасида камида 100 киши ҳалок бўлди ва тахминан 260 минг киши ўз уйини тарк этишга мажбур бўлган.

Қизил Хочдан қўшимча қилишларича, мамлакат ҳукумати жабрланганларни хавфсиз туманларга олиб ўтишни давом эттирмоқда.

Мамлакатда кучли ёмғирлар бир ой муқаддам кузатилганди. Ўшандан бери Кениядаги қишлоқлар сувга тўлишда давом этяпти. Уйлар, фермалар, йўллар ва инфратузилманинг бошқа объектлари аксарият қисми сув тошқинлари туфайли вайрон бўлди.