«Иккиюзламачилик». Эрдўған БМТни ислоҳ қилишга чақирди

Фото: aa.com

Туркия президенти Ражаб Тоййиб Эрдўған БМТни ислоҳ этиш зарурлигини ҳақида маълум қилди. Унинг сўзлари Anadolu агентлиги томонидан келтирилган.

«Халқаро ҳажамиятнинг мунофиқлиги ва тинчлик ҳамда хавфсизликни таъминлаш вазифаси бўлган халқаро ташкилотларнинг иккиюзламачилиги шундай кўламга етдики, энди холис эмасликни яшириш имконсиз бўлиб қолди. Анқара айнан шунинг учун БМТни ислоҳ қилишга чақиради», - деди Эрдўған.

Шунингдек, унинг таъкидлашича, Хавфсизлик кенгашининг доимий аъзолари бўлган бешта давлат манфаати асосида шакллантирилган халқаро тизимнинг келажаги йўқ. Унинг сўзларига кўра, ислоҳотлар барибир зарур.

Эслатиб ўтамиз, аввалроқ Туркия мухолифати президентлик сайловларига номзод бўйича бир қарорга келганди.

Тайёрлаган: Отабек Матназаров

#БМТ #Ражаб Эрдўған