Суарес рақиб жамоа ҳужумчисининг оёғига зарба берганини тан олди 

“Барселона” ҳужумчиси Луис Суарес Испания чемпионатининг 36-турида Мадриднинг “Реал”ига қарши кечган учрашувда Лионель Мессига голли пас узатишдан олдин рақиб жамоа ҳимоячиси Рафаэль Вараннинг оёғига тепганини тан олди.

“Фикримча, у ерда кичик қўполлик бўлди, чунки Варан тўпни назорат қилаётганди, мен эса унинг оёғига тепиб юбордим. Класико ҳар доим шундай шароитларда ўтади. Иккала жамоа ҳам ютишни истаганди, бироқ ҳаммаси дуранг билан якунланди.
Албатта, биз ютишни истагандик, бироқ Сержио Робертонинг четлатилиши бизга халақит қилди. Жамоа аъло даражада ўйнади, дуранг ҳам бу вазиятда ёмон натижа эмас”, деб айтган Суарес.