Видео: Анқаралик йигит сув тошқини вақтида рафтинг уюштирди

Туркия пойтахти Анқарада юзага келган сув тошқинлари вақтида ёш йигит барчанинг эътиборини ўзига қаратди. Hurriyet daily News нашри у сув тўлган кўча бўйлаб дамлама қайиқда сайр қилаётгани тасвирланган видеони намойиш этди.

Кадрда атрофдаги ҳайдовчилар ушбу йигитга сигнал чалиб, уни хавфдан огоҳлантиришаётганини кўриш мумкин.

Жорий ҳафтада Туркия пойтахтида кучли ёмғирлар кузатилди. Сув сатҳи қанчалик баландлагани маълум эмас, фақат ижтимоий тармоқларда тарқалган суратлар ва видеоларда автомобиллар кўчаларда ҳаракатлана олмай қолганини кўриш мумкин.