Украина президенти Пётр Порошенконинг маълум қилишича, ГФР канцлери Ангела Меркель ва Франция президенти Эммануэль Макрон билан «Норманд тўртлиги»нинг кейинги учрашувига тайёргарлик кўриш бўйича қадамларни муҳокама этган. Бу ҳақда «112 Украина» хабар бермоқда.
«Яхши биламизки, 18 ва 23 май кунлари Россия президенти Владимир Путин билан Ангела Меркель ва Эммануэль Макроннинг учрашуви бўлиб ўтади. Биз яқин вақт ичида «Норманд шакли»да йиғилиш ўтказиш учун зарур бўлган қадамлар, тегишли кун тартибини аниқ мувофиқлаштириб олдик», - дея айтиб ўтди Порошенко учрашувдан сўнг ташкил этилган брифингда.
Унинг қўшимча қилишича, йиғилиш, катта эҳтимол билан, Парижда бўлиб ўтади.
Эслатиб ўтамиз, аввалроқ Порошенко Украина шарқида россиялик 10 минг аскар борлигини маълум қилганди.
