Фазлиддин Ғоибназаров эртага профессионал боксдаги 4-жангини ўтказади

Ҳозирги вақтда профессионал боксда фаолиятини давом эттираётган Олимпиада чемпиони Фазлиддин Ғоибназаров эртага тонгда ўзининг навбатдаги жангини ўтказади.

Ўзбекистонлик боксчи саккиз раунддан иборат жангда мексикалик Хесус Силвейрага қарши рингга кўтарилади.

Маълумот учун, Фазлиддин профессионал боксда шу кунгача 3та жанг ўтказган ва уларнинг барчасида ғалаба қозона олган (1таси нокаут билан). Хесус Силвейра эса 15та жанг ўтказиб, уларнинг 8тасида ғалаба қозонган (3таси нокаут билан). 5та жангда мағлубиятга учраган ва яна 2та тўқнашувда дуранг қайд этган.

Эслатиб ўтамиз, жанг (Тошкент вақти билан 13 май куни тонгда) Нью-Йоркдаги Madison Square Garden’да бўлиб ўтади.