Marvel суперқаҳрамон мусулмон қиз ҳақида биринчи кинони суратга олади

Marvel кинодунёсида биринчи мусулмон суперқаҳрамон қиз пайдо бўлади - Мисс Марвел, унинг оддий ҳаётдаги исми Камола Хон бўлади, деб ёзмоқда NME портали.

Мисс Марвел Marvel комиксларида биринчи марта 2013 йилда пайдо бўлган, унинг суперимкониятлари орасида турли шаклларни қабул қилиш қобилияти ҳам бор.

Сюжетга кўра, Камола Покистондан бўлган оилада дунёга келган бўлади, ҳамда бутун дунё муаммоларидан ташқари, ота-онаси билан чигал муносабатларга ҳам дуч келади. Унинг акаси жуда консерватив қарашларга эга, отаси эса у шифокор бўлишини хоҳлайди.

Marvel президенти Кевин Файгининг «Би-би-си»га берган интервьюсида айтишича, Мисс Марвелни киноқаҳрамонга айлантириш устида иш бошлаб юборилган.

Афтидан, картина прокатга премьераси 2019 йилга мўлжалланган «Капитан Марвел»дан аввал чиқмайди.