KUN.UZ’нинг Телеграмдаги сохта саҳифаларидан огоҳ бўлинг!
Ўғирликнинг тури кўп. Ҳар қандай ҳолатда ҳам у пасткашлик, инсон номига ярашмайдиган хунук иш. Ўғри ўзини ўнг томонга урадими ёки чапга, барибир, топганининг баракаси бўлмайди. Қайтанга Аллоҳнинг ғазабига учраб, бир топгани ўн бўлиб, бурнидан чиқади. Бунга ҳаётий мисолларни кўп учратганмиз.
KUN.UZ таҳририятига келиб тушган мактублардан бири бизни ана шундай кескин ва ҳақиқатга тўла сўзларни айтишга мажбур қилди. Гўёки, сайт таҳририяти томонидан Телеграм мессенжерида беҳаё постлар эълон қилинаётган эмиш.
Мактуб мазмуни қуйидагича:
«KUN.UZ таҳририяти. Сайтингизнинг Телеграм каналида жуда ҳам кўп ножўя, сифатсиз, баъзида бемаъни реклама роликларига кўзим тушмоқда. Ҳар-хил танишув чатлари, «қизлар кирмасин», «болалар учун», деган бемаъни рекламалар борасида ўз норозилигимни билдирмоқчиман. Мен икки йилдан буён Телеграм каналингизга аъзоман, аммо шу охирги ойда жуда ҳам кўплаб рекламаларга дуч келмоқдаман. Бирон-бир маҳсулот реклама қилинса ҳам ҳеч нарса демасдим, аммо сиз юқорида келтириб ўтган каналларни таклиф этмоқдасиз. KUN.UZ таҳририяти ўз Телеграм каналларида нималарни реклама қилинаётганини билмайдими ёки яхшигина пул тўласа, бўлар-бўлмас мавзудаги барча нарсалар реклама қилинаверадими? Мен шу мавзу боис KUN.UZ таҳририятига, мухбирларига ўз норозилигимни билдирмоқчиман».
Мактуб эгасининг фикрларига ҳеч қандай эътирозимиз йўқ, чунки бу ўқувчи KUN.UZ номидан очилган сохта каналларнинг бирига аъзо бўлган бўлиб чиқмоқда. У сайтимизда ва бошқа ижтимоий тармоқлардаги саҳифаларимизда Телеграм мессенжеридаги ҳақиқий каналимизнинг кўрсатиб борилаётганидан бехабар кўринади.
Иккинчидан, ўғрининг катта-кичиги, инсофли ёки инсофсизи бўлмайди, номи билан у ўғри. Ўзи бу дунёда машҳур номлардан, логолардан фойдаланган ҳолда ўғрилик қилиш авжига чиққан. Айниқса, ижтимоий тармоқларда. Машҳур номдан фойдаланиб, аудитория йиғиб олгач, унда билган ишларини қилишади: беҳаё сурат ва видеолар жойлаштиришади, кимларнидир ҳақорат қилишади ва ҳоказо.
KUN.UZ сайти томонидан бериб борилаётган тезкор, аниқ ва холис хабарларни, таҳлилий материал ҳамда репортажларни кузатувчилар учун сайтнинг Телеграм мессенжеридаги расмий саҳифалари:
Кирилл алифбосидаги версияси - t.me/kunuzofficial
Лотин алифбосидаги версияси - t.me/kunuz
Рус тилидаги версияси - t.me/kunuzru
Мавзуга оид
17:56 / 27.07.2021
Адлия вазирлиги Kun.uz ва бошқа интернет-нашрлар билан меморандумлар имзолади
17:12 / 30.06.2021
Таҳсин – 2021. Ўзбекистоннинг энг фаол ёшлари тақдирланди
11:55 / 29.06.2021
Kun.uz мухбири «Жамиятда аёллар: ҳуқуқ, ҳимоя ва имкониятлар» танловида ғолиб бўлди
15:06 / 26.06.2021