Фото: pfl.uz
Ўзбекистон терма жамоаси ва «Насаф» клуби яримҳимоячиси Азиз Ғаниев Европага кетиши мумкин.
Унга Испаниянинг «Тенерифе» клуби 4 йиллик шартнома таклиф қилди, деб Championat.asia сайти хабар бермоқда.
Аммо испанлар Ғаниевни эркин агент сифатида ёки жуда арзон нархга ўз таркибига қўшиб олмоқчи. Агар футболчи рози бўлса, унга ҳеч қандай кўриксиз 4 йиллик шартнома таклиф этилган. «Насаф» эса айни пайтда молиявий қийинчиликларни бошдан кечирмоқда ва ўз етакчисини 1 миллион доллардан камига қўйиб юбормоқчи эмас.
1912 йилда ташкил топган «Тенерифе» клуби айни пайтда Испания Сегундасида (Ла лигадан кейинги лига) иштирок этмоқда. Жамоани машҳур собиқ футболчи Хосеба Эчеберриа бошқариб бормоқда. Сўнгги бор клуб 2010 йилда Ла лигада иштирок этган.
