Ўзбекистон Республикаси Президентининг 2018 йил 14 майдаги қарорига мувофиқ, Вазирлар Маҳкамаси ҳар йили Ўзбекистон Республикаси Мудофаа вазирлигининг ўнта энг илғор авиация мутахассисига Тошкент шаҳридан уй-жой ажратиш тўғрисидаги тақдимномани кўриб чиқади. Бу ҳақда Мудофаа вазирлиги матбуот хизмати KUN.UZ’га маълум қилмоқда.
![](https://storage.kun.uz/source/archive_16_04/%D0%B3%D0%BD%D0%BF8%D1%8B%D0%B0%D0%BA9%D0%BF253-1.jpg)
Ҳужжатда белгиланганидек, шарафли касбнинг фидойилари бўлган ҳарбий учувчиларга уй-жойлар Ўзбекистон Республикаси Мудофаа вазирлигига давлат бюджетидан ажратиладиган маблағлар ҳисобидан берилади.
![](https://storage.kun.uz/source/archive_16_04/%D0%B3%D0%BD%D0%BF8%D1%8B%D0%B0%D0%BA9%D0%BF253-2.jpg)
Мазкур имтиёз ҳаво сарҳадларимиз қалқонларининг Ватанга садоқатини, жанговар салоҳиятини, профессионал тайёргарлигини янада оширишга хизмат қилади.