Қозоғистонда энергетика вазирининг яна бир ўринбосари ҳибсга олинди
Қозоғистон энергетика вазири ўринбосари Бакитжон Жаксалиев кўлни тозалаш ишларини қабул қилишда ўз хизмат ваколатларини суистеъмол қилиш гумони билан ҳибсга олинди. Таъкидланишича, у давлат бюджетига 2 млн доллардан кўпроқ зарар етказган. Жаксалиев кўлни тозалаш ишларига сарф-харажатлар 30 марта ошириб юборилганини била туриб “Аймак ва К” пудратчи ташкилот фойдасига ишларни қабул қилиш далолатномасига имзо қўйган.
У умумий қиймати 863 млн тенгега (2,6 млн доллар) тенг далолатномани қонунга зид равишда имзоланган. Суд экспертизаси хулосаларига кўра, бажарилмаган ишлар қиймати 746 миллион тенгени (2,25 млн доллар) ташкил қилган. Гумонланувчига нисбатан уй қамоғи кўринишида эҳтиёт чораси кўрилган.
2018 йил мартида коррупцияда гумон билан энергетика вазирининг бошқа ўринбосари Гани Садибеков ҳибсга олинганди. Таъкидланишича, у томонидан имзоланган сохта далолатномаларга кўра вазирлик 2017 йилда Шучинско-Боровский курортидаги кўлни тозалаш ишларига 3,6 млрд тенге (11 млн 180 минг доллар) тўлаган. Бу қийматдан 1 млрд тенгедан (3,1 млн доллар) кўпроғи нақдлаштириб олинган. Бу сумма тинтув вақтида аниқланиб, мусодара қилинган. Бундан ташқари, 2018 йилда кўлни тозалаш учун ажратилган 1,5 млрд тенге (4,7 млн доллар) маблағнинг ўғирланиши олди олинган.
Мавзуга оид
19:35 / 06.10.2024
Қозоғистонда АЭС қурилиши бўйича референдум ўтказилмоқда
17:06 / 06.10.2024
Қозоғистонда АЭСни халқаро консорциум қуриши керак – Тўқаев
13:48 / 04.10.2024
Ўзбекистон ДХХ раиси Абдусалом Азизов Остонада МДҲ давлатларидаги ҳамкасблари билан учрашди
14:28 / 02.10.2024