Qozog‘istonda energetika vazirining yana bir o‘rinbosari hibsga olindi
Qozog‘iston energetika vaziri o‘rinbosari Bakitjon Jaksaliyev ko‘lni tozalash ishlarini qabul qilishda o‘z xizmat vakolatlarini suiste'mol qilish gumoni bilan hibsga olindi. Ta'kidlanishicha, u davlat byudjyetiga 2 mln dollardan ko‘proq zarar yetkazgan. Jaksaliyev ko‘lni tozalash ishlariga sarf-xarajatlar 30 marta oshirib yuborilganini bila turib “Aymak va K” pudratchi tashkilot foydasiga ishlarni qabul qilish dalolatnomasiga imzo qo‘ygan.
U umumiy qiymati 863 mln tengega (2,6 mln dollar) teng dalolatnomani qonunga zid ravishda imzolangan. Sud ekspertizasi xulosalariga ko‘ra, bajarilmagan ishlar qiymati 746 million tengeni (2,25 mln dollar) tashkil qilgan. Gumonlanuvchiga nisbatan uy qamog‘i ko‘rinishida ehtiyot chorasi ko‘rilgan.
2018 yil martida korrupsiyada gumon bilan energetika vazirining boshqa o‘rinbosari Gani Sadibekov hibsga olingandi. Ta'kidlanishicha, u tomonidan imzolangan soxta dalolatnomalarga ko‘ra vazirlik 2017 yilda Shuchinsko-Borovskiy kurortidagi ko‘lni tozalash ishlariga 3,6 mlrd tenge (11 mln 180 ming dollar) to‘lagan. Bu qiymatdan 1 mlrd tengedan (3,1 mln dollar) ko‘prog‘i naqdlashtirib olingan. Bu summa tintuv vaqtida aniqlanib, musodara qilingan. Bundan tashqari, 2018 yilda ko‘lni tozalash uchun ajratilgan 1,5 mlrd tenge (4,7 mln dollar) mablag‘ning o‘g‘irlanishi oldi olingan.
Mavzuga oid
19:35 / 06.10.2024
Qozog‘istonda AES qurilishi bo‘yicha referendum o‘tkazilmoqda
17:06 / 06.10.2024
Qozog‘istonda AESni xalqaro konsorsium qurishi kerak – To‘qayev
13:48 / 04.10.2024
O‘zbekiston DXX raisi Abdusalom Azizov Ostonada MDH davlatlaridagi hamkasblari bilan uchrashdi
14:28 / 02.10.2024