Ўзбекистон | 23:04 / 06.06.2018
12531
1 дақиқада ўқилади

Тошкентда сайл: велосипедлар бепул тақдим этилади 

Фото: Ўзбекистон велосипед спорти федерацияси

Ўзбекистон велосипед спорти федерацияси 2018 йилнинг 9 июнь куни Тошкент шаҳрининг “Пахтакор” марказий стадионида велосипед ихлосмандлари иштирокида “Велосипедчилар сайли” бўлиб ўтади. Бу ҳақда Федерация Матбуот хизмати KUN.UZ’га хабар бермоқда.

“Велосипедчилар сайли”да Ўзбекистон велосипед спорти федерацияси томонидан профессионал велосипедлар, спорт анжомлари, спорт формалари, спортчиларни қувватлантирувчи воситалар ва озиқалар кўргазмаси ўтказилади. Мазкур кўргазмада Миллий терма жамоа мураббийлари, мутахассислар ва таниқли спортчилар мастер класс ўтиб беришади.

Тақдим этилган маълумотларга кўра, “Велосипедчилар сайли”да велосипед ҳайдаш истагида бўлган иштирокчилар 16:00дан 19:00гача паспортлари билан рўйхатдан ўтиб, бепул велосипед олиб, белгиланган ҳудудда сайр қилишлари мумкин бўлади.

Kun.uz янгиликларини Google News'да кузатинг
+ Обуна бўлиш

Мавзуга оид