Қўшимча функционаллар
-
Тунги кўриниш
Игнатий Нестеров 400-ўйинни ўтказди
Фото: Локомотив ФК Матбуот хизмати
«Локомотив» дарвозабони Игнатий Нестеров Ўзбекистон чемпионатларидаги 400-ўйинни ўтказди, деб хабар беради ПФЛ.
Суперлига 13-тури доирасидаги «Металлург»га қарши кечган баҳс тажрибали посбон учун юбилей ўйин сифатида тарихга кирди.
17 ёшида дебют қилган Игнатий Нестеров 400лик маррани забт этган дастлабки дарвозабонга айланди. У 400 та ўйиндан 215 тасида ўз дарвозаси дахлсизлигини сақлаб қолган.
Таъкидлаш жоизки, Игнатий Нестеров ҳозирга қадар “Самарқанд-Динамо” (2001), “Пахтакор” (2002-2009), “Бунёдкор” (2009– 2013) жамоалари шарафини ҳимоя қилган. 2014 йилдан бошлаб эса “Локомотив” дарвозасини қўриқлаб келмоқда.
Суперлига 15-туридан ўрин олган “Локомотив” – ОКМК ўйинидан олдин Игнатий Нестеровга ПФЛ томонидан махсус эсдалик совғаси топширилди.
