Олий маълумот – бу муваффақиятга эришиш йўлидир. Таълимий хизматлар бозорида мавжуд магистрлик дастурларидан қайси йўналишни танлаган маъқул?
Ушбу масала ва магистрлик дастурларининг истиқболлари ҳақида Тошкент шаҳридаги Халқаро Вестминстер университети (ТХВУ) магистрлик курслари раҳбарлари Зиёдулла Парпиев, Хасан Сайфутдинов ва Рустам Абдураупов билан суҳбат бўлиб ўтди.
ТХВУда магистратура курслари тарихи 2006 йилда Халқаро Бизнес ва Менежмент (MA in International Business and Management) йўналишида биринчи магистратура курсининг ташкил қилиниши билан бошланган. Бугунги кунда халқаро бизнес дастурига қўшимча равишда университет Амалий иқтисодиёт ва Халқаро тижорий ҳуқуқ каби мутахассисликлар бўйича магистрлик дастурларини таклиф қилади.
Ушбу дастурлар қандай соҳаларда мутахассисларни тайёрлайди?
Ҳар бир дастур ўзига хос ўрнига ва мақсадига эга бўлиб, ушбу дастурлар нафақат Ўзбекистонда, балки халқаро миқёсда талаб қилинадиган мутахассисларни тайёрлашга қаратилган.
Зиёдулла Парпиев (“Амалий иқтисодиёт” курсининг раҳбари):
Амалий иқтисодиёт бўйича магистрлик дастури ўз фаолиятини халқаро ташкилотлар, хусусий корхоналар (инвестицион банклар, консалтинг компаниялари ва бошқалар) ҳамда инвестицияларни жалб қилиш бўйича давлат идоралари, вазирликларда иқтисодий таҳлилчи сифатида амалиёт юритмоқчи бўлганлар учун мўлжалланган.
Талабаларимиз замонавий иқтисодий муаммоларни тушуниш қобилиятини ривожлантириб, илғор билимлар ва давлат сиёсатини таҳлил қилиш усулларини ҳамда унинг бизнес тузилмасига таъсирини амалда қўллашади. Улар маълум бир мамлакатда иқтисодий ўсишни қай тарзда амалга ошириш, компаниянинг муайян бозорга чиқиши ёки чиқмаслиги, корхоналар учун норматив-ҳуқуқий базани ўзгартириш натижалари қандай бўлиши каби масалалар ечимини топишлари мумкин.
Талабалар муаммолар ҳақида чуқурроқ тушуниш имконини берадиган аналитик дастурлар ва усулларни ўрганадилар. Масалан, солиқ имтиёзлари иқтисодий фаолиятни рағбатлантириши кераклиги барчамизга маълум. Бироқ, бу ҳолат ҳар доим шундайми ёки фақат маълум шароитлардами, даромад солиғи ставкаси 2 балл пастга туширилса, солиқни қанча миқдорда камайтиришимиз керак, бу етарли бўладими, иқтисодий фаоллик неча фоизга кўпаяди, 2 фоиз, 5 фоиз ёки 25 фоизгами? Ушбу магистратура курсининг битирувчилари бундай саволларга жавоб бера оладилар. Мазкур жавоблар Stata ёки Eviews каби дастурлар ёрдамида маълумотларнинг профессионал даражада таҳлил қилинишини талаб қилади. Айни пайтда бу магистрлик курси мазкур дастурларда профессионал тайёргарликни таъминлайдиган Ўзбекистондаги ягона курс ҳисобланади.
Ҳасан Сайфутдинов (“Халқаро тижорий ҳуқуқ” курсининг раҳбари):
Халқаро тижорий ҳуқуқ йўналиши бўйича магистрлик дастури талабаларга халқаро савдо ҳуқуқи асосида фаолият юритадиган чуқур ва тизимли билимларни етказиб беришга қаратилган. Битирувчилар юридик амалиёт асосида банк, молия, суғурта, транспорт, бошқарув, импорт ва экспорт, низоларни ҳал қилиш, консалтинг, давлат сектори, халқаро ташкилотларда фаолият юритишлари, бундан ташқари, юридик соҳада ҳам илмий ишларини давом эттиришлари мумкин.
Дастурга киритилган асосий фанлар қуйидагилар: халқаро солиқ қонунчилиги, халқаро тижорат ҳуқуқи, электрон тижоратнинг ҳуқуқий томонлари, халқаро тижорат арбитражи, хорижий инвестициялар бўйича арбитраж, лойиҳаларни молиялаштириш бўйича халқаро қонунлар ва бошқалар.
Рустам Абдураупов (“Халқаро бизнес ва менежмент” курсининг раҳбари):
Халқаро бизнес ва менежмент бўйича магистрлик дастури стратегик ва операцион бошқарув, инсон ресурсларини бошқариш, маркетинг, молия ва маълумотлар таҳлили каби бир қатор бизнес бошқаруви фанларига йўналтирилган. Курснинг халқаро йўналиши бизнес амалиётини ва маданиятини батафсил тушуниш учун жаҳон ишлаб чиқарувчилари ва халқаро товарларни ўрганишни ўз ичига олган дастурни ташкил қилади. Шунингдек, ушбу магистрлик курси танқидий фикрлаш кўникмаларини, музокаралар ва мулоқот қобилиятларини, рационал қарорлар қабул қилиш, маҳаллий ва глобал бизнеснинг тез ўзгарувчанлиги учун зарур бўлган бошқа билимларни ривожлантиришга ёрдам беради.
ТХВУда таълим тизими
Магистрлик курсларидаги барча дарслар талабаларга бир вақтнинг ўзида ўқиш ва ишлаш имкониятини бериш учун соат 18.30 да бошланади. Одатда дастурни тамомлаш учун икки ўқув йили талаб қилинади, лекин Халқаро бизнес ва менежмент ва Амалий иқтисодиёт курслари бир йил ичида тугатилиши мумкин.
Барча машғулотлар таълим ва хусусий секторда катта тажрибага эга бўлган ҳамда ўзларининг мақолаларини етакчи халқаро илмий журналларда фаол равишда нашр этадиган профессионал ўқитувчилар томонидан олиб борилади. Бундан ташқари, университет бизнес соҳасидаги тренерлар ва муваффақиятли фаолият юритаётган ишбилармонларни бизнес соҳасидаги сўнгги ютуқлар, рақамли маркетинг, эконометрик таҳлил ва глобаллашув каби турли мавзулар бўйича маърузалар ва семинарлар ўтказиш учун таклиф қилади.
Кириш талаблари
Ариза топширишни истаганлар камида 6.5 (шу жумладан, ёзув имтиҳони 6.0) IELTS бали ёки унга тенг бўлган бошқа сертификат (TOEFL)га эга бўлишлари керак.
Магистрлик курсларининг ўзига хослигига қараб, дастурларда иш тажрибаси ва абитуриентларнинг таълимига боғлиқ бўлган баъзи талаблар мавжуд. Масалан, “Амалий иқтисодиёт” курсида номзоднинг иқтисод, математика ёки статистика бўйича билимлари мавжуд бўлиши талаб қилинади. Халқаро тижорий ҳуқуқ курсига топшириш учун ҳуқуқшунослик ёки қонунчилик соҳасида бакалавр даражаси ёки шу соҳада иш тажрибасига эга бўлиши керак. Халқаро Бизнес ва Менежмент курсида номзоддан онлайн тарзда рўйхатдан ўтилган кунга қадар камида ўн икки ойлик иш ҳақи тўланадиган иш тажрибасига эга бўлиши талаб қилинади.
Магистрлик курсларида ўқиш учун www.wiut.uz веб-сайтимиз орқали 2018 йил 12 августга қадар ариза беришингиз мумкин.
Қўшимча маълумот учун: 238-74-45
Реклама ҳуқуқи асосида
