Ака-ука миллиардер Магомедовларнинг 13та компанияси хатловга олинди

Москва шаҳрининг Преображенск суди ака-ука Зиёвуддин ва Магомед Магомедовларнинг «Сумма» гуруҳи эгалик қилувчи 13та компания акцияларини хатловга олиш ҳақида қарор қабул қилди. 

Москва шаҳар суди матбуот котиби Ульяна Солопова сўзларига кўра, «Сумма»нинг 13та компанияси хатловга олинади.

«Бу қарорга қарши шикоят аризаси берилди», - дея айтиб ўтди Солопова.

Аввалроқ, Москва шаҳар Тверь суди ака-ука Зиёвуддин ҳамда Магомед Магомедовларнинг мол-мулкини хатловга олганди.

Зиёвуддин ва Магомед Магомедов жиноий гуруҳни ташкил қилиш, шунингдек, бюджетни талон-торож қилишда айбланмоқда. Етказилган умумий зарар 2,5 млрд рубль экани айтиляпти.