«Ишлар қандай, Ману?» - Макрон ўқувчига жиддий танбеҳ берди

Франция президенти Эммануэль Макрон ўзига керакли даражада мурожаат қилмаган мактаб ўқувчисига танбеҳ берди. Бу ҳақда Reuters хабар қилмоқда.

Макрон Шарль де Голлнинг нутқига 78 йил тўлиши муносабати билан ташкил этилган маросимда иштирок этди. Айнан шундан сўнг Франциядаги Қаршилик ҳаракатига старт берилган.

Тадбир давомида тинейжерлардан бири президентга: «Ишлар қандай, Ману?» дея мурожаат қилган. Макрон унга дарҳол танбеҳ берди.

«Сен расмий маросимдасан ва ўзингни шунга мос равишда тутишинг лозим. Ўзингни аҳмоқдек кўрсатишинг мумкин, бироқ бугун, биз «Марсельеза» ва «Партизанлар қўшиғи»ни айтаётганимизда, сен менга фақат «жаноб президент» ёки «сэр» деб мурожаат қилишинг шарт», - деди Франция президенти.

Шундан сўнг Макрон маросимда қатнашаётган бошқа шахслар билан сўрашишда давом этган.