Оқ уй АҚШ космик қўшинлари ҳақидаги хабарга изоҳ берди

АҚШ президенти Дональд Трамп маъмурияти ҳарбий-космик кучлар ташкил этишнинг бошланғич босқичида турибди. Бу ҳақда Оқ уй матбуот котиби Сара Сандерс маълум қилди.

Унинг таъкидлашича, Пентагон бу жараён бўйича ишларни бошлаган.

«Биз бу жараённинг бошланғич босқичидамиз. Мудофаа вазирлиги ҳамда бошқа манфаатдор томонлар билан буни амалга ошириш устида ишлаймиз», - дея таъкидлаб ўтди Сандерс.

Аввалроқ, Трамп Пентагонга космик қўшинларни ташкил этиш ҳақида топшириқ бергани хабар қилинганди. Унинг фикрича, Қўшма Штатлар коинотда ҳарбий устунликка эга бўлиши керак. АҚШ Мудофаа вазирлиги космик қўшинлар ташкил этишга тайёрлигини тасдиқлаган.

Эслатиб ўтамиз, бундан аввал Путин ва Трамп нега учрашиши кераклиги айтилганди.