Олий ҳарбий божхона институтига кириш тартибига ўзгартириш киритилди

Фото: customs.uz

Олий ҳарбий божхона институтига ўқишга қабул қилиш тартиби тўғрисидаги низомга ўзгартириш киритилди, деб хабар бермоқда “Ҳуқуқий ахборот” канали.

Олий ҳарбий божхона институтига ўқишга қабул қилиш тартиби тўғрисидаги низомнинг 3-банди олтинчи хатбошисига ўзгартириш Адлия вазирлигида давлат рўйхатидан ўтказилди.

Киритилган ўзгартиришга кўра, Олий ҳарбий божхона институтига ўқишга қабул қилишда номзодларнинг бўйи 165 см дан (қиз болалар учун 160 см) паст бўлмаслиги белгиланди.

Илгари амал қилган тартибга кўра номзодларнинг бўйи 170 см (қиз болалар учун 165 см)дан кам бўлмаслиги лозим эди.

Тайёрлаган: Отабек Матназаров

#институт #божхона