Америкалик фахрийлар Трампга КХДР бўйича эслатма билан чиқишди

Корея урушида иштирок этган АҚШ фахрийлари Қўшма Штатлар президенти Дональд Трамп ва КХДР етакчиси Ким Чен Ин ўртасидаги саммит бўйича ўз фикрларини билдиришди, деб хабар қилмоқда CNBC.

АҚШ ҳарбий-денгиз кучлари собиқ зобити Жек Кипнинг сўзларига кўра, уруш ҳолатида ўтган 66 йилдан сўнг реал тинчлик битими учун вақт келди. Ўтган вақт давомида «ҳеч ким ғалаба қозонмади, бироқ барча мағлуб бўлди». 83 ёшли фахрийнинг таъкидлашича, Шимолий ва Жанубий Корея, шунингдек, фахрийлар бу музокаралар тинчлик битими билан якунланишини олқишлаган бўларди.

«Биз, Корея уруши вақтида хизмат қилганлар, 50-йилларда, кейин эса Вьетнам билан сулҳга эришиш учун икки йил талаб этилганини эслаймиз. Биз коммунистлар билан курашда эҳтиёткор бўлиш лозимлигини ҳам тушуниб турибмиз», - деган фахрий.

АҚШ ҳарбий-ҳаво кучларининг КХДРдаги тиббиёт ходими сифатида хизмат қилган 82 ёшли Тим Уитморнинг айтишича, Дональд Трамп ва Ким Чен Ин саммити шундай тез юз бергани «бошни айлантириб юборишга қодир».

Фахрийнинг қайд этишича, КХДР билан тинчлик битими ўрнатилиши учун қандай нархни тўлаш лозимлигига эҳтиёткорлик билан қарамоқда. Шунингдек, Уитморнинг қўшимча қилишича, Шимолий Корея ҳукумати томонидан бажарилган қандайдир жиддий мажбуриятни эслай олмайди. 

Таъкидланишича, Корея ярим оролида 1950 йилдан 1953 йилгача бўлган вақт оралиғида 35 мингдан зиёд америкалик ҳалок бўлган.

Бу ҳарбий можарони, унга уруш вақтида ҳамда ундан сўнг кам эътибор берилгани учун «ёддан чиқарилган уруш» деб ҳам аташади.

Эслатиб ўтамиз, аввалроқ Ким Чен Ин Путинга нима ҳақида ёзгани маълум бўлганди.