Европа тараққиёт банки Ўзбекистон банкларидан бирига синдикатли кредит ажратади

ЕТТБ расмий сайтида эълон қилинган қарорда қайд этилишича, «Ипак Йўли» банки Ўзбекистонда «Европа тикланиш ва тараққиёт банки»нинг биринчи синдикатли кредитини ажратиши мумкин.

Агар режалаштирилган тадбирлар амалга оширилса, ЕТТБ Ўзбекистонда илк бор бундай кредит ажратишни бошлайди. Ушбу маълумот, шунингдек, банк вакиллари томонидан ҳам тасдиқланди.

Тахминларга кўра, кредитнинг умумий қиймати 20 млн долларни ташкил этади. Ушбу кредит техник ҳамкорлик жамғармалари билан биргаликда ажратилади. Бундай кредитлар эса банкларга ўз молиялаштириш манбаларини диверсификация қилиш ва Ўзбекистондаги микро, кичик ва ўрта корхоналарни кредитлашни ошириш имконини беради.

Бундан аввал «Ипак Йўли» банки кичик бизнес лойиҳаларини молиялаштириш учун 38 миллион долларлик синдицирланган кредит тизимини жалб этган эди.