Фото: intel.com
Охирги 5 йил давомида Intel компаниясининг ижрочи директори лавозимини эгаллаган Брайан Кржанич истеъфога чиқди. Унинг ўрнини компаниянинг молиявий директори Роберт Свон вақтинчалик эгаллади.
Компаниянинг маълум қилишича, Кржанич ички тергов унинг компания ходимларидан бири билан яқин алоқада бўлганини тасдиқлаганидан кейин истеъфога кетишга мажбур бўлган. Раҳбарларнинг ходимлар билан ишқий муносабатларда бўлиши компаниянинг қоидаларига зид ҳисобланади.
Айни вақтда компания Кржанич ўрнига номзод изламоқда. The Verge’нинг таъкидлашича, 1982 йилдан бери Intel’да ишлаб келган Кржаничнинг биографияси компания сайтидан ўчириб ташланган.
