Фото: USGS
Ҳавайи архипелагидаги улкан оролнинг майдони икки квадрат километрдан ортиқроққа кенгайди. Бунга бир неча ойдан буён тўхтамаётган Килауэа вулқонидан чиқаётган лаванинг Тинч океанига оқиб тушиши сабаб бўлди, деб ёзди АҚШ Геология хизмати ўзининг твиттер-аккаунтида.
“Океанга оқиб тушган лава 555 акр (2,25 кв. километр) янги ерни ҳосил қилди”, — дейилади хабарда.
Лаванинг аксарият қисми Капохо бухтасига оқиб тушмоқда. Мутахассисларнинг айтишларича, янги ернинг бир қисми кейинчалик чўкиб кетиши мумкин.
