«JV MAN Auto–Uzbekistan МЧЖ ҚК» – «Best Practice Award 2018» мукофоти соҳиби

25 июндан 27 июнга қадар Германиянинг Мюнхен шаҳрида «MAN Truck & Bus AG» халқаро компанияси томонидан «3rd xKD Customer Days» форуми ташкил этилди. Тадбирда дунёнинг турли мамлакатларидаги MAN компанияси вакиллари, жумладан «JV MAN Auto – Uzbekistan» МЧЖ ҚК мутахассислари иштирок этдилар.

Форум доирасида иштирокчи-мамлакатлар вакиллари ўз компанияларини тақдим этдилар ва уларнинг энг салмоқли ютуқлари ҳақида сўзладилар. «JV MAN Auto – Uzbekistan»  МЧЖ ҚК томонидан компания фаолияти ва ютуқлари тўғрисида видеоролик намойиш этилди, шунингдек каркасни қоплаш жараёни самарадорлигини сезиларли оширувчи ва инсон ресурсларини тежовчи автобус томи каркасини ўгиргич (ўгириш учун механизм) тақдим этилди.

Барча чиқишлар ниҳоясига еткач, ҳар бир тақдимот баҳоланди. Баҳолашнинг асоий мезонлари қуйидагилар бўлди:

✔ CLA,TGM,TGS юк автомобилларини ишлаб чиқаришни ташкил этиш;

✔ CLA юк автомобиллари кабинасини ишлаб чиқаришни ташкил этиш;

✔ MAN автобуслари ишлаб чиқаришни ташкил этиш;

✔ Инновацион ютуқлар;

✔ Ишчилар малакаси.

 Форум якунига кўра мутлақ ғалаба – 1-ўринни ва «BEST PRACTICE AWARD 2018» мукофотини «JV MAN Auto–Uzbekistan» МЧЖ ҚК вакиллари қўлга киритди. 2- ўринга россиялик MAN компанияси вакиллари, 3- ўринни эса Жанубий Африка вакиллари эгаллади.

«JV MAN Auto–Uzbekistan» МЧЖ ҚК ишлаб чиқариш самарадорлигини ошириш билан шуғулланибгина қолмай, сотувлар соҳасида ҳам ривожланиб бормоқда. Чунончи, яқинда компания «9 тонна» манфаатли акцияси ҳақида эълон қилди, у CLA 18.280 4х2 BB самосвали харидорлари учун мўлжалланган бўлиб, комплекс сервис-пакет учун махсус нархларни кўзда тутади.

Батафсил ахборот билан танишиш ва компания янгиликларини кузатиб бориш учун расмий сайтимиз  www.man.uz  ва компаниянинг фейсбукдаги саҳифасига fb.com/MANAutoUzbekistan ташриф буюринг!