Фото:REUTERS/Thomas Peter
Европа кенгаши раҳбари Дональд Туск АҚШ, Россия ва Хитойни савдо урушларини бошламасликка чақирди. Бу ҳақда Reuters хабар бермоқда.
Айни дамда Туск ва Еврокомиссия раҳбари Жан-Клод Юнкер Пекинда ХХР бош вазири Ли Кэцян билан учрашув ўтказмоқда.
Еврокенгаш раисининг сўзларига кўра, ҳали “можаролар ва алғов-далғовликнинг олдини олиш учун вақт бор”. Шунингдек, Туск Россия, Қўшма Штатлар ва Хитойни Жаҳон савдо ташкилотини ислоҳ этишга чақирди.
Аввалроқ, Хитой савдо урушини бошлаш АҚШга ўз иқтисодий муаммоларига ечим топишда ёрдам бермаслиги ҳақида маълум қилганди.
