Фото: PAUL ELLIS/AFP/GETTY IMAGES
«Манчестер Юнайтед» бош мураббийи Жозе Моуриньо клубнинг янги сардори номини эълон қилди.
Ўтган мавсумда жамоага Майкл Кэррик сардорлик қилган, Антонио Валенсия эса вице-сардор бўлган эди.
«Бу йил боғични Валенсия олади, у ўтган мавсумда вице-сардор эди, демак бу борада янгилик йўқ. У майдонда йўқ бўлган ҳолларда эса кўрамиз, Крис Смоллинг, Эшли Янг, Андер Эррера ёки Хуан Мата, мана шулардан бирини танлаймиз» — деди Моуриньо.
Эслатиб ўтамиз, Антонио Валенсия ўтган мавсумда «Манчестер Юнайтед»нинг энг яхши футболчиси деб топилган эди.
