Еврокомиссия раҳбари Жан-Клод Юнкер Қўшма Штатлар президенти Дональд Трамп билан савдо музокараларидан сўнг, унга Люксембургдаги ҳарбий қабристон фотосуратини совға қилди. Бу ҳақда ЕК сайтида хабар берилган.
Юнкернинг сўзларига кўра, фотосуратда Люксембургдаги ҳарбий қабристон тасвирланган бўлиб, айнан шу ерда Иккинчи жаҳон уруши вақтида иттифоқчилар қўшинларининг Нормандияга туширилишида қўмондонлик қилган АҚШ генерали Жорж Паттон дафн этилган. Паттон уруш якунланганидан сўнг, АҚШга қайтишига бир кун қолганида автоҳалокатда ҳаётдан кўз юмган.
«Ҳурматли Дональд, келинг умумий тарихимизни бир эслаймиз», - дея ёзилган суратнинг орқа томонида.
