Путин Эрдўған билан ресторанга боришга рози бўлди. У фақат битта шарт қўйган

Россия президенти Владимир Путин Туркия етакчиси Ражаб Тоййиб Эрдўғаннинг ресторанга бориш тўғрисидаги таклифини қачон қабул қилишини айтди. Бу ҳақда РИА Новости хабар бермоқда.

Туркия етакчиси Йоханнесбургдаги БРИКС саммити вақтида Путин билан суҳбатлашиб, мамлакатлар ўртасидаги муносабатлар ривожига ижобий баҳо берди, у «баъзи мамлакатларда ҳасад уйғотмоқда». Шундан сўнг Россия президенти Эрдўғанга ресторанга бориш ҳақидаги таклифни эслатди. «Сиз мени ресторанга таклиф қилиш ҳақида ваъда берган эдингиз», - деди у. Эрдўғаннинг қайд этишича, таклиф ҳамон ўз кучини йўқотмаган.

«Биз сизлар гўшт маҳсулотларини бозорга киритганингизда, ресторанда бизнинг гўштдан тайёрланган таомлар бўлганида, биргаликда тушлик қилишга келишиб олгандик», - дея жавоб қайтарди Россия президенти.

Туркия президентининг ваъда беришича, Путинни «катта иштиёқ билан» кутиб қолади.

Эслатиб ўтамиз, аввалроқ Путин Ҳиндистон бош вазири билан учрашувдан аввал Россия делегациясини тергаб қўйганди.