Испанияда арман мафиясига қарши йирик операция бошланди

Каталония ва Испания полициялари арман мафиясига қарши йирик миқёсдаги операцияни бошлади.

ОАВнинг хабар беришича, Барселона, Мадрид, Валенсия, Аликанте ва Альбасетедаги 70та манзилда ўтказиладиган операцияда юздан ортиқ кишини қўлга олиш режалаштирилган.

Полиция маълумотларига кўра, Гап Европада ўрнашган ва АҚШ, Франция, Бельгия, Италия ва Литвада алоқаларга эга бўлган жиноий гуруҳ ҳақида бормоқда.

Уюшган гуруҳ талончилик, товламачилик, қурол савдоси, пул ювиш, порахўрлик, ҳужжатларни сохталаштириш, гиёҳванд моддалар ва тамаки контрабандаси билан шуғулланиб келган.

Маҳаллий матбуотнинг хабар беришича, 26 июнда Бадалонада «қонундаги ўғрилардан бири» ёки унинг ёрдамчиси қўлга олинган.