Туркия ТИВ Америка санкцияларига жавоб қайтаришга ваъда берди

Анқара АҚШнинг санкцияларига жавоб қайтаради, деди Туркия ТИВ раҳбари Мавлут Човушоглу.

Аввалроқ АҚШ молия вазирлиги америкалик пастор Эндрю Брансон сабабли Туркия адлия вазири Абдулҳамит Гюл ва ички ишлар вазири Сулаймон Сойлуга нисбатан санкциялар жорий этилганини эълон қилганди. Улар «пасторнинг ҳибсга олинишида етакчи ролни ўйнашган» дейилади АҚШ молия вазирлиги баёнотида.  

"Агар АҚШ маъмурияти бундай усуллар ёрдамида ўзининг ноқонуний талабларига эриша олмаслигини тушунмаса, биз муаммоларимизни ҳал қила олмаймиз/ АҚШнинг бизнинг икки вазиримизга нисбатан санкция киритишга уриниши жавобсиз қолмайди", — деб ёзди Човушоглу Twitter’да.