Интернетда Мадуронинг нутқи пайтида дрон портлаши тасвирланган видео пайдо бўлди

Венесуэланинг El Nacional нашри раҳбари Мигель Отеро Венесуэла президенти Николас Мадуронинг нутқ сўзлаётган жойи устида дроннинг портлаб кетиши тасвирланган видеони эълон қилди. Ролик унинг твиттердаги саҳифасида жойлаштирилди.

Эълон қилинган видеороликдан кўриш мумкинки, дрон Каракасдаги Боливар шоҳ кўчаси узра портлаб кетган.

Аввалроқ, Каракас шаҳрида номаълум шахслар Венесуэла президенти Николас Мадурони портловчи қурилма билан жиҳозланган дрон ёрдамида ўлдиришга уринишгани хабар қилинганди. Banco Bicentenario del Pueblo раҳбари Мигель Перез Абаднинг маълум қилишича, ҳужум натижасида Венесуэла президенти жароҳат олмаган.