Марадона Аргентина терма жамоасини бошқаришни истаяпти

Брестнинг «Динамо» клуби бошқарув раиси Диего Марадона ОАВ ходимлари нега уни Аргентина терма жамоасини бошқариши мумкин бўлган номзодлар рўйхатига киритмаётганидан ҳайрон эканини айтди.

«Нега журналистлар мени номзодлар рўйхатига киритмаяпти, бундан хавотирдаман. Умуман тушунмаяпман. Бошқа собиқ бош мураббийлар ҳақида ёзишяпти, мени эса ҳеч ким эсламаяпти. Терма жамоа учун жонимни беришга тайёрман», – деб ёзди Диего.

Эслатиб ўтамиз, Марадона 2008-2010 йилларда Аргентина терма жамоасини бошқарган ва у билан ЖЧ-2010 чоракфиналагача етиб борган эди.