Фото: Borussia Dortmund
«Барселона» ҳужумчиси Пако Алькасер Дортмунднинг «Боруссия» клубига ўтди.
Испаниялик футболчи мавсум охирига қадар немис клуби таркибида ижарада ўйнайдиган бўлди. Бундан ташқари, «Боруссия» ижара муддати тугагач, уни тўлиқ сотиб олиш ҳуқуқига эга бўлди.
Аввалроқ, «Боруссия» Д Алькасер ижараси учун 2 миллион евро тўлаши, кейинчалик уни 26 миллион еврога тўлиқ харид қилиши ҳақида хабарлар тарқалган эди.
Эслатиб ўтамиз, Алькасер 2016 йилда «Валенсия»дан «Барселона»га 30 миллион евро эвазига ўтган эди. Футболчи каталонияликлар таркибида жами 50та ўйинда майдонга тушиб, 15та гол урди.
