Бугун, 31 август куни Европа лигасининг 2018/19 йиллар мавсуми гуруҳ босқичига қуръа ташланади. Янги мавсум ушбу мусобақанинг номи УЕФА Кубогидан Европа лигасига ўзгартирилганидан кейинги ўнинчи, умумий ҳисобда эса 48-чемпионат бўлади.
Маросим Монакода, Тошкент вақти билан соат 16:00 да бошланади. Қуръа олдидан 48 жамоа УЕФА рейтингидаги ўрнига асосан 4 та саватга ажратилган.
1- сават: «Севилья», «Арсенал», «Челси», «Зенит», «Байер», «Динамо» Киев, «Бешикташ», «Ред Булл Зальцбург», «Олимпиакос», «Вильярреал», «Андерлехт», «Лацио».
2-сават: «Спортинг», «Лудогорец», «Копенҳаген», «Марсель», «Селтик», ПАОК, «Милан», «Генк», «Фенербахче», «Краснодар», «Астана», «Рапид» Вена.
3-сават: «Бетис», «Қорабоғ», БАТЭ, «Динамо» Загреб, «РБ Лейпциг», «Айнтрахт», «Мальме», «Спартак» Москва, «Стандард», «Цюрих», «Ренн», «Бордо».
4-сават: «Аполлон», «Русенборг», «Ворскла», «Славия» Прага, «Акхисар Беледие», «Яблонец», АЕК Ларнака, «Види», «Рейнжерс», «Спартак» Трнава, «Дюделанж», «Сарпсборг».
Гуруҳ босқичининг тур ўйинлари 20 сентябрь, 4 ва 25 октябрь, 8 ва 29 ноябрь ҳамда 13 декабрь кунларига белгиланган. Финал ўйини 2019 йил 29 майида, Бокудаги «Олимпия» стадионида бўлиб ўтади.
