«Сити» ўтиш ўйинларидаёқ «Реал»га дуч келди. Барча жуфтликлар маълум

Бугун, 31 январ куни УЕФАнинг Ньондаги штаб-квартирасида Европа Чемпионлар лигаси плей-офф босқичига қуръа ташланди.

Бу босқичдан ўтган саккиз жамоа 1/8 финалга гуруҳ босқичи орқали йўл олган саккиз жамоа билан навбатдаги жуфтликларни ҳосил қилади, бунинг учун алоҳида қуръа ўтказилади (жуфтликда иккинчи кўрсатилган жамоалар сараланганлар бўлиб, жавоб ўйинларини ўз уйида ўтказади):

Ўтиш ўйинлари жуфтликлари:

• «Брюгге» — «Аталанта» (ғолиб «Лилл» ёки «Астон Вилла» билан ўйнайди);
• «Спортинг» — «Боруссия» Дортмунд (ғолиб «Лилл» ёки «Астон Вилла» билан ўйнайди);
• «Манчестер Сити» — «Реал» (ғолиб «Атлетико» ёки «Байер» билан ўйнайди);
• «Селтик» — «Бавария» (ғолиб «Атлетико» ёки «Байер» билан ўйнайди);
• «Ювентус» — ПСВ (ғолиб «Арсенал» ёки «Интер» билан ўйнайди);
• «Фейеноорд» — «Милан» (ғолиб «Арсенал» ёки «Интер» билан ўйнайди);
• «Брест» — «ПСЖ» (ғолиб «Ливерпул» ёки «Барселона» билан ўйнайди);
• «Монако» — «Бенфика» (ғолиб «Ливерпул» ёки «Барселона» билан ўйнайди).

Биринчи ўйинлар 11-12 февралда, жавоб ўйинлари эса 18-19 февралда ўтказилади.

УЕФА ўйинларнинг аниқ кунлари ва соатлари кўрсатилган тақвимни яқин вақтлар ичида эълон қилади.

Янги форматга кўра, плей-оффда жамоалар ўз биринчилиги вакиллари билан, шунингдек, гуруҳ босқичида ўйнаган рақиблари билан ҳам дуч келиши мумкин.