Британия Колумбияси Университети олимларининг аниқлашича, спортчилар мунтазам жисмоний фаолликларга қарамай, юрак-қон томир касалликлардан азият чекишга мойил бўлади. Бу эса, аввалги тадқиқотлар натижаларини тасдиқлайди, унга кўра доимий юкламалар остида бўлган инсонларда эрта ўлим хавфи ошади. Бу ҳақда MedicalXpress’нинг матбуот учун хабарномасида айтилади.
Мутахассислар ҳафтада камида уч кун давомида ўрта ва юқори жисмоний фаолликка эга бўлган, 35 ёш ва ундан катта ёшдаги 798 нафар спортчи ҳақидаги маълумотни таҳлил қилдилар. Кўнгиллилар соғлик, оилавий тиббий тарих ва спорт машқлари ҳақидаги кўплаб саволларга жавоб беришди. Иштирокчиларнинг қон босими ўлчанди, коронар ангиография қилинди.
Натижада, 94 кишида юрак-қон томир касалликлари белгилари, 10 кишида эса - асоратларсиз коронар артерия функциясининг оғир бузилиши аниқланди.
Гарчи жисмоний фаоллик юрак касалликлари, саратон ҳамда депрессияни олдини олишда ёрдам бериши кўрсатилган бўлса-да, ҳаддан ташқари юкламалар соғлиққа жиддий зарар етказиши мумкин. Олимлар мунтазам равишда шифокор билан маслаҳатлашишни маслаҳат беришмоқда.
