Граммлаб гўшт, нон, балиқ ва яримта тухум. Тожикистонда кунлик овқатланиш нормалари тасдиқланди

Фото: Sputnik

Тожикистонда аҳоли жон бошига асосий озиқ-овқат маҳсулотларини истеъмол қилиш учун тавсия этилган нормалар тасдиқланди.

Қарорга кўра, мамлакатда яшовчи фуқаро ҳар куни 405 грамм нон, 112 грамм гўшт, 25 грамм балиқ, 316 грамм сут, 46 грамм сариёғ, 55 грамм шакар, 455 грамм сабзавотлар, 340 грамм мевалар, 252 грамм картошка ва яримта тухумни истеъмол қилиши керак.

Таъкидланишича, қарорда минимал зарур маҳсулотлар кўрсатилган. Бу маълумотлар ҳаёт кечириш минимумини аниқлаш учун, биринчи навбатда, республиканинг тегишли вазирликлари учун керакдир. Бугун Тожикистонда у ойига тахминан 50 долларни ташкил этади.