Мамаев қамоққа олинди, Кокорин эртага сўроқ қилинади

«Краснодар» яримҳимоячиси Павел Мамаев Москва полициясида сўроқ қилинди ва 48 соатга ҳибсга олинди, деб хабар беради Mash. 

«Зенит» ҳужумчиси Александр Кокорин эса қидирувга берилмади. У узрли сабабга кўра, сўроққа кечикиб келди ва эртага тергов қилинадиган бўлди.

Эслатиб ўтамиз, 8 октябрь куни ҳар иккала футболчи Москвадаги қаҳвахоналардан бирида Минпромторг мулозими Денис Пак ва «НАМИ» ташкилоти раҳбари Сергей Гайсинни дўппослашган эди. Бу можародан бироз олдин эса «Первий канал» бошловчиси Ольга Ушакованинг ҳайдовчисига ҳужум қилишган. Жабрланганлар турли тан жароҳати олиб, шифохонага ётқизилган. Бу иш юзасидан Москва полицияси жиноят иши очган эди. Ҳар иккала футболчига 7 йиллик қамоқ жазоси таҳдид солмоқда.