Фоторепортаж: Муҳожирлар карвони АҚШ чегараси томон кетмоқда

Фото: Reuters

Марказий Американинг Ҳондурас давлатидан 7 мингдан ортиқ меҳнат муҳожири Мексика орқали АҚШ чегаралари томон ҳаракатланмоқда.

13 октябрь куни Ҳондурас шимолидаги Сан-Педро-Сула шаҳрида тузилган карвонда дастлаб 200 киши бор эди. Кейинги кунларда унга яна минглаб ишсизлар ва камбағаллар, жиноятчилик даражаси юқори чўққига чиққан мамлакатдан бутунлай кетишни истовчи кишилар қўшилишди. 

Бир ҳафта ичида мигрантлар Гваметала ҳудудини кесиб ўтишди ва Мексикада пайдо бўлишди. 23 октябрь куни ҳолатига кўра, манзилгача - АҚШнинг Мексика билан чегараларигача 1,8 минг километрдан ортиқ масофа қолган.

Карвондагиларнинг бир қисми пиёда, бир қисми ўз автомобилларида ҳаракатланмоқда. 

АҚШ президенти Дональд Трамп жанубий чегараларда назоратни кучайтириш учун ҳарбийларни жўнатиши билан таҳдид қилди. У шунингдек, бу карвон туфайли Ҳондурас, Сальвадор ва Гватемалага молиявий ёрдамни тўхтатиб қўйиш билан таҳдид қилган.