UFC жангчиси Хабиб Нурмагомедов «Ливерпуль» ҳужумчиси Муҳаммад Салоҳга мухлислик қилишини айтди.
«У билан ҳеч қачон кўришмаганмиз, аммо уни кузатиб бораман. У – буюк ўйинчи. Уни эҳтиётлашимиз ва кўпроқ муваффақиятларга эришишига ёрдам беришимиз керак», - деган Нурмагомедовнинг сўзларини келтириб ўтди «Ал-Иттиҳод» нашри.
Маълум бўлишича, шу кунларда Хабиб илк маротаба БАА пойтахти Абу Даби шаҳрига борган.
Эслатиб ўтамиз, ўтган ҳафта Нурмагомедов ва Салоҳ жаҳоннинг энг нуфузли мусулмонлари рўйхатига киритилган эди.