Жорий йилнинг 29 октябрь куни Тошкент давлат аграр университетида Германиянинг Лейбниц номидаги қишлоқ хўжалигини ривожлантириш институти (ИАМО) билан бирга “Халқаро қишлоқ хўжалиги иқтисодиёти” қўшма кафедраси очилди.
Кафедрада 3 та докторант ва 2 та магистрант учун Германиянинг “Фолькцваген” фонди 4 йилга мўлжалланган стипендия ажратган.
Шу билан бирга кафедрада Германиянинг 3 та профессор ўқитувчиси мунтазам равишда фаолият олиб бориб, докторантларга илмий раҳбарлик қилиши кўзда тутилган.
ИАМО - минтақавий қишлоқ хўжалиги соҳасида фундаментал ва амалий тадқиқотлар ўтказишга ихтисослашган. Шу жумладан, аграр сиёсати, озиқ-овқат хафсизлиги, қишлоқ ҳудудларида тадбиркорликни ривожлантириш, фермер хўжаликларини бошқариш ва атроф-муҳитни муҳофаза қилиш каби масалалар ўрганилади.