2 ноябрь куни Туркия чемпионати Истанбул дербисида «Фенербахче» ва «Галатасарой» клублари беллашди. Ўйин 2:2 ҳисобида якунланди.
Беллашувдан сўнг футболчилар бир-бирини қутлаш ўрнига, оммавий муштлашувда иштирок этишди. Ўйинда 2-голни урган «Фенер» яримҳимоячиси Жаилсоннинг хатти-ҳаракатлари рақибларга ёқмади ва улар кўпчилик бўлиб, унга ташланишди. Футболчи уларнинг таъқибидан қочиб, кийиниш хонасига яширинишга мажбур бўлди.
Players fight after match Galatasaray vs Fenerbahce 😱#Galatasaray #Fenerbahce pic.twitter.com/kliVJdmLaT
— Farhaan (@farhaan_bwfc) November 2, 2018
Бунгача Жаилсон, ҳужумчи Солдадо ва «Галатасарой» футболчиси Ндиайе қизил картага лойиқ кўрилганди.
Айни пайтда Туркия чемпионатида «Истанбул ББ» пешқадамлик қилмоқда. «Галатасарой» иккинчи, «Фенербахче» 15-ўринни эгаллаб турибди.