Ўзбекистон ва Қирғизистон Ташқи ишлар вазирликлари маслаҳатлашувлар ўтказди

2018 йилнинг 14 ноябрь куни Бишкек шаҳрида ташқи сиёсатни ахборот билан таъминлаш ва ОАВ билан ишлаш масалалари бўйича Ўзбекистон-Қирғизистон вазирликлараро маслаҳатлашувларининг иккинчи раунди бўлиб ўтди.

ТИВ хабарига кўра, учрашувда Қирғизистон ТИВ Ахборот департаменти директори Муратбек Азимбакиев ўзи бошқараётган бўлинма иш тажрибаси билан ўртоқлашди.

Суҳбат давомида ахборот соҳасидаги икки томонлама алоқаларда ижобий динамика кузатилаётгани қайд этилди ҳамда ҳамкорликнинг истиқболли йўналишлари юзасидан фикр алмашилди.