Уй эгасини чалғитиб, 21 млн сўмлик заргарлик буюмларини ўмариб кетган шахс ушланди

Иллюстратив фото

Шу йилнинг 13 октябрь куни номаълум шахс Тошкент шаҳрининг Миробод туманида яшовчи Е.К. (аёл)нинг уйига қоғоз чиқиндиларни сотиб олишни айтиб кирган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс унинг чалғиганлигидан фойдаланиб уйидан умумий қиймати 21 млн. 400 минг сўмлик 15 турдаги заргарлик буюмлари, уй сувенирларини ўғирлаб кетганлар.

Ҳолат юзасидан жиноят иши қўзғатилган. Кўрилган чоралар натижасида ушбу жиноятни Бектемир туманида яшовчи С.С. содир этганлиги аниқланиб, ушланган.

Тергов давом этмоқда.