Самарқандда тўрт безори беш кишига жароҳат етказди

Жорий йилнинг 3 декабрь куни Самарқанд вилоятининг Иштихон туманида яшовчилар Т.Р., С.Д. ва унинг укалари Б.Д. ҳамда С.Д. “Боғихон” МФЙда яшовчи У.Ю.нинг уйида безорилик оқибатида унинг турмуш ўртоғи Ш.Ю.(аёл), отаси Т.Ю., укаси Ш.Ю. ва 2 нафар қариндошларининг турли жойларига уриб-тепиб жароҳат етказганлар.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Рўй берган ҳодиса оқибатида Ш.Ю. ва унинг 4 нафар қариндоши касалхонага ётқизилганлар. Т.Р., С.Д. ва унинг 2 нафар укаси қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.