Ucell билан бирга “Сен тармоқдасан”

Интернет пайдо бўлиши билан инсоният ҳаёти бошқа бир маромга эга бўлди. Интернет одамларнинг кундалик ҳаётининг ажралмас қисмига айланди. Интернетсиз ОАВ, давлат муассасалари, йирик компаниялар ва оддий фуқаролар фаолиятини тасаввур этиш мушкул. Бироқ, интернет томонидан тақдим этилаётган афзалликларни тан олган ҳолда шуни унутмаслигимиз лозимки, интернет жиноятчилар қўлида  хавфли қуролга айланиши мумкин. Бугунги кунда ҳеч бир одам шахсий маълумотларни ўғирланиши, молиявий фирибгарлик ва  ҳаттоки, одам савдоси каби жиноят турларидан бутунлай суғурталанмаган. Интернет орқали одамлар террористик ва эктремистик гуруҳларга жалб этилмоқдалар.

Интернет жиноятчилик - бу бутун дунё бўйлаб миллионлаб одамлар ҳаётига хавф солаётган глобал муаммодир. Мазкур муаммога ечим топиш учун турли давлат органлари, жумладан, Ички ишлар вазирлиги, Давлат хавфсизлиги хизмати, нодавлат ташкилотлар, шунингдек уяли алоқа операторлари ва интернет-провайдерларининг келишилган ҳаракатларини талаб қилади. Шу билан бирга, онлайн-жиноятчиликнинг олдини олиш ва аҳолининг ҳуқуқий онгини оширишга қаратилган чора-тадбирларга алоҳида эътибор қаратиш лозим.

Жорий йилнинг 28 ноябрь куни Жиззах шаҳрида “Сен тармоқдасан” лойиҳаси синов тарзида иш бошлади. Мазкур лойиҳа Ucell компанияси томонидан “Istiqbolli Avlod” Республика ижтимоий ахборот маркази билан ҳамкорликда ишлаб чиқилган. Лойиҳанинг мақсади – бир қатор мастер класслар ва ахборот сессиялар ёрдамида ҳар бир интернет фойдаланувчиларининг хавф-хатарга дучор бўлиши ҳақида жамоатчиликни хабардор қилишдан иборатдир.

"Бугунги кунда интернетнинг турли хил алоқа каналлари орқали интернетга қарамлик, ахборот хавфсизлиги ва ёлғончилик муаммоси ўта долзарб бўлиб қолмоқда. Ушбу лойиҳа ёрдамида биз мазкур масалалар бўйича жамоатчиликнинг хабардорлигини оширишни режалаштирмоқдамиз ", - деди Ucell корпоратив алоқа бўйича мутахассиси Тамила Курмакаева иштирокчиларни қутлар экан. "Умид қиламизки, ақлли коммуникация ва ахборот хавфсизлиги масалаларидаги хабардорлик ўсиб боради ва бу ҳар қандай мулоқот турларида -  хоҳ онлайн, хоҳ офлайн бўлсин, хабардор бўлишга ёрдам беради ", - дея қўшимча қилди у.

Жиззах шаҳридаги мастер класснинг биринчи сессиясида “Istiqbolli Avlod”  вакиллари бугунги кундаги мавжуд таҳдидлар ва уларга қарши курашиш усуллари ҳақида сўз юритдилар.

“Шубҳасиз, биз фуқароларнинг хатти-ҳаракатларини чеклаш ҳуқуқига эга эмасмиз, чунки маълумот олиш ва улардан фойдаланиш уларнинг конституциявий ҳуқуқидир”, - дейди “Istiqbolli Avlod”  ННТнинг PR менежери Дилшод Ўринбоев. “Шу сабабли бизнинг асосий вазифамиз уларнинг онгини мустаҳкамлаш ҳамда ҳимоялаш  зарур профилактик тадбирларни ўтказиш ҳисобланади”. 

Халқаро ҳамкорликка алоҳида эътибор қаратилди. 2004 йилдан буён "Istiqbolli avlod"  Халқаро миграция ташкилоти билан яқиндан ҳамкорлик қилиб келмоқда. Республиканинг тўққизта ҳудудида одам савдосига қарши кураш ва олдини олиш бўйича ХМТ лойиҳаларини амалга оширувчи ташкилотлар фаолият кўрсатмоқда.

Ўз навбатида, Ucell вакиллари ахборот хавфсизлиги бўйича сессиялар ўтказдилар ва унда интернетга бўлган қарамлик, ижтимоий тармоқлардан фойдаланиш, болалар ва ўсмирларни зарарли таркибдан ҳимоя қилиш каби мавзулари ёритиб бердилар. Тадбирда Ucell ахборот хавфсизлиги бўлими раҳбари Андрей Шишкин ва Ucell компаниясининг корпоратив алоқа бўйича директори Камилла Биктимирова ўз тажрибалари билан ўртоқлашишди. Бундан ташқари, Компания вакиллари интернет ва ижтимоий тармоқлар томонидан тақдим этилган имкониятларга эътибор қаратдилар. Хусусан, онлайн тарзда иш излаш ва иш берувчилар ҳамда мурожаат этувчилар учун яратилган махсус платформалар каби мавзулар муҳокама этилди.

Ташкилотчиларнинг фикрига кўра, лойиҳа муваффақиятининг асосий кўрсаткичларидан бири – қайта алоқадир. Шунинг учун жамоатчилик фикрини шакллантиришда муҳим аҳамият касб этадиган ёшлар ҳаракати фаоллари ва ўқитувчилар ушбу ўқув машғулотларида иштирок этиш учун таклиф қилиндилар. Уларнинг ҳар бири тадбир давомида эълон қилинган ўзига хос ғоялар йўлбошловчиси бўлиб, Ўзбекистон аҳолиси орасида хабардорликни оширишга ўз ҳиссасини қўшишга қодирдирлар.  

Реклама ҳуқуқи асосида