Алдов йўли билан 22 000 долларни ўзлаштирган шахс қўлга олинди

Иллюстратив фото

Жорий йилнинг 7 декабрь куни ИИБга тушган ҳужжатларга кўра, 2017 йил декабрь ойида Сирдарё вилоятида яшовчи Д.А. Учтепа тумани ҳудудида Чилонзор туманида яшовчи Б.С.га таниши, “Дилором” исмли аёлга нисбатан бўлган жиноят иши бўйича давлатга етказган зарарни ўз фирмаси орқали ёпиб беришини айтган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, бу фуқаро алдаш йўли билан ишончига кириб, ундан 22 000 АҚШ долларини олиб кетиб, берган ваъдасини бажармай юрганлиги кўрсатилган. Кўрилган чоралар натижасида Д.А. ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.