Ўқдай учади. Дунёдаги энг тезюрар лифтга эга бино номи маълум қилинди

Баландлиги бўйича Жанубий Кореяда биринчи ва дунёда бешинчи ўринда турувчи Lotte World Tower биноси янги унвонни қўлга киритди. У дунёдаги энг тезюрар лифтга эга бино сифатида эътироф этилди. Business Insider нашрининг хабар беришича, лифт бинонинг биринчи қаватидан 121-қаватига бир дақиқа ичида етиб боради. 

Қайд этилишича, бино мутлақо хавфсиз — у 9 балли зилзилага ва АҚШ жануби-шарқини вайрон қилган "Катрина" каби довулга ҳам дош беради. Бино 123 қаватдан иборат.

У Сеулдаги энг оммабоп туристик масканлардан ҳисобланади. Янги унвонни қўлга киритганидан сўнг мазкур бинога ташриф буюрувчилар сони йилига 60 млн кишига етиши кутилмоқда.